Serikali imevuka malengo ya Ilani ya CCM katika Sekta ya Elimu kwa Mafanikio Makubwa

Rais wa Zanzibar na Mwenyekiti wa Baraza la Mapinduzi amesema Serikali imevuka malengo ya Ilani ya CCM katika Sekta ya Elimu kwa Mafanikio Makubwa.Rais Dk, Mwinyi ametoa Tamko hilo alipoifungua Skuli Mpya Ya Ghorofa ya Sekondari ya Ole , Wilaya ya Chake chake ,Mkoa wa Kusini Pemba.

Ameeleza kuwa Ilani ya CCM iliainisha Ujenzi wa Madarasa 1,500 katika Miaka Mitano lakini Serikali ya Awamu ya nane imefanikiwa kujenga Madarasa 4, 810 katika kipindi cha Miaka minne.Rais Dk,Mwinyi amekiri Sekta ya Elimu imefanya Vizuri zaidi.Ameipongeza Wizara ya Elimu na Mafunzo ya Amali kwa Usimamizi mzuri wa Ujenzi wa Skuli za Ghorofa 35 kwa Viwango bora na kwa wakati Uliyopangwa.

Rais Dk,Mwinyi amewahakikishia Wananchi kuwa Serikali itaendelea na Utekelezaji wa Ilani ya Uchaguzi na kufikia Malengo yote kabla ya Uchaguzi Mkuu kufika.Rais Dk, Mwinyi amempongeza Mwenyekiti na Msarifu wa Zanzibar Maisha Bora Foundation Mama Mariam Mwinyi kwa Kuona Umuhimu wa kuwasaidia Wanafunzi wa Kike ili Wasome Vizuri.

Skuli ya Sekondari ya Ole ni Miongoni Mwa Skuli 35 za Ghorofa zilizojengwa na Serikali ya Mapinduzi ya Zanzibar katika Mikoa mbalimbali Nchi Nzima.Akiwasilisha Taarifa ya Kitaalamu juu ya Ujenzi huo Katibu Mkuu wa Wizara ya Elimu na Mafunzo ya Amali Khamis Abdalla Saidi amesema imegharimu Shillingi Bilioni 6.1 ikiwa na Maktaba,Maabara, Chumba cha Kompyuta ina Madarasa 20 yenye Uwezo wa kuchukua Wanafunzi 1800 kwa Mkondo Mmoja kwa Wastani wa Wanafunzi 45 kila Darasa.